Shillong, Nailur 29: Mynta ka sngi ka Meghalaya BJP State Unit kala pyntip ba u myntri rangbah duh jong ka Ri India u la pynbna ba ia ka jingsam ia u khaw rashaon ban sam ei hapoh ka skhim Pradhan Mantri Garib Kalyan Anna Yojna yn dang bteng haduh u bnai Nohprah 2022.
Ka BJP Meghalaya State Unit ka pynpaw ia ka jingsngewnguh ia u myntri rangbah duh jong ka Ri India u Narendra Modi namar kane ka jingbteng ban dang sam ei ia u khaw sha kiba duk ba rangli kan long ka jingkyrkhu kaba khraw namar ba ka khlam COVID-19 kala ktah ia ka ioh ka kot ki paidbah.
U “Khaw Modi” kaba la ia tip paidbah da ki paidbah kane ka jylla Meghalaya kala long kawei na ka jingbam ban kyntiew ban ioh ia ka koit ka khiah, u President ka party jong ka BJP Meghalaya State Unit u bah Ernest Mawrie u ai khublei kyrpang ia u myntri rangbah duh ka Ri India.
