Shillong, Nailar 27: U Superintendent ki pulit jong ka East Khasi Hills District mynta ka sngi u la pynshai paidbah ba ka jingshah kawang petrol bom ka kali pulit ka dei hapoh ka shnong Umbir ha Ri Bhoi District kam dei hapoh Mawlyndep.
Ha ka juh ka por na ka liang jong u rangbah shnong ka shnong Mawlyndep u bah Jinu Kharbuki mynta ka sngi u la pynshai paidbah ba ka jingshah kawang petrol bom ka kali pulit ha ka miet shiteng synia jong ka 25 tarik kam dei hapoh shnong Mawlyndep.
Na ka liang jong u Rangbah shnong u la ong ba ka jingjia ka don kumba la paw ha ki lat pathai khubor hynrei ia ka jaka pat ym don kano kano ka jingtip hynrei u la pynshisha ba kane ka jingjia kam dei pat hapoh shnong Mawlyndep.
La ong ba kane ka jingmih khubor mynta ka sngi ba ka jingshah kawang petrol bom ka dei ha Mawlyndep kala buh ia ki khun samla jong ka shnong ha ka jingsyier. La iathuh ba mynta ka sngi u la leit ban ia kynduh ia u SP jong ka East Khasi Hills ban pynshai ba ka jingjia kam dei ha shnong Mawlyndep.
