Shillong, Iaiong 09: ka jingpoi jong ki nongthep vote ha kane ka jylla Meghalaya ban jied ia ki ar ngut ki MP na ka 1-Shillong LS bad ka 2-Tura LS kala poi tang 66 percent, la iathuh u Chief Electoral Officer u P Naik.
La iathuh ba ka jingpoi jong ki nongthep vote jong ka 1-Shillong LS ka long tang 62 percent bad ka 2-Tura LS kala poi 70 percent bad haba shim lang ia kane ka jingpoi jong ki nongthep vote kum ka jylla baroh kawei ki nongthep vote ki poi 66 percent.
Ka jingiathep vote ha ka jylla baroh kawei kala iaid beit khlem da don kano kano ka jingjia kaba sngewsih wat ka ka la don ka jingkhot pakhang shnong da ka seng HNLC ha Ri Lum khasi bad ka jingdon ki seng lehnoh ha Garo Hills.
Na ka liang jong ki bor sorkar kila shim ia ki lad ki lynti baroh kumno ban ai jingiada ia da ha kane ka sngi ban peit ba kan nym don kano kano ka jingjia kaba lah ban pynthut ia ka jingiathep vote.
