Shillong, Rymphang 16: Kumba u la kular u CEM jong ka KHADC u Bah PN Syiem mynta ka miet u la phah da ka shithi sha Chairman jong ka United Democratic Party Parliamentary party halor ki khyndai tylli ki mat ba kala pan jingpynshai.
Na ka liang jong u SP News Agency u ba la ioh ia kane ka kotpi, u pynmih kumba ka long bad kane ka shithi jingpynshai ka ong kumne.
“Ha u Chairman ka United Democratic Party Parliamentary Party, ka phang, rangbah, halor katei ka phang ha neng, nga pyntip sha phi ba ia ki phra tylli ki mat, lait noh ka mat ba hynniew ngi la ia kren hapoh ka Executive Committee kaba la long ha ka 16.02.2017 ha ka por 10.00 AM ha kaba u Bah Don Sumer bad u Bah A Lyngdoh ki EM na ka UDP ki ia don Ryngkat.”
“ Ha kane ka Executive Committee ngi la ia kren bniah sani bha bad baroh ki dkhot ka Executive Committee kila ia ioh jingshai ia kitei ki phra tylli ki mat. Kumjuh ia kitei ki mat baroh 9 tylli ngi la ia kren ruh ha ka People Democratic Forum (PDF) metting kaba la long ha ka juh ka sngi 16.02.2017 por 4.30 PM bad baroh kiba la ia poi ha katei ka jingialang kila ioh jingshai lut ia kitei ki 9 tylli ki mat”.
Ha kane ka jingialang la shim ruh ia ka rai ba ki MDC (s) na ka UDP kin sa pynshai hala ka jong ka party ia kitei ki khyndai tylli ki mat. Khublei shibun ba burom ia phi Bah PN Syiem Chief Executive Member (CEM) KHADC, PP Leader People Democratic Forum (PDF).
