New Delhi, Naitung 01: Ka GST ba la lum ha u bnai Jylliew, 2023 kalong T. 1,61,497 klur ha kaba ka CGST kalong T. 31,013 klur, ka SGST kalong T.38,292 klur, ka IGST kalong T. 80,292 klur (kynthupT. 39,035 klur ba la lum halor ka jingthied ia ki mar nabar ri ) bad ka cess kalong T. 11,900 klur (kynthup T. 1,028 klur ba la lum halor ka jingthied ia ki mar nabar ri).
Ka sorkar ka la buh T. 36,224 klur sha ka CGST bad T.30269 klur sha ka SGST na ka IGST. Ka jinglum baroh jong ka sorkarpdeng bad ki Jylla ha u bnai Jylliew 2023 hadien ba la pynbeit kalong T. 67,237 klur na ka bynta ka CGST bad T.68,561 klur na ka bynta ka SGST.
Ka jinglum jong u bnai Jylliew 2023 kalong 12% kham bun ban ia ki jinglum GST ha ujuh u bnai jong u snem ba ladep. Ha une u bnai, ki jinglumna ka jingsiew hapoh ri (kynthup ka jingthied ia ki kam ai jingshakri nabar ri) kalong 18% ka jingkham bun ban ia ki jingiohnong na kinehaujuh u bnai jong u snem ba ladep.
Kane ka dei ka sien kaba saw ba ka jinglum GST ka la tam ia ka T. 1.60 lak klur. Ka jinglum GST man ka bnai na ka bynta ka quarter ba nyngkong jong u snem mang tyngka 2021-22, snem mang tyngka 22-23 bad snem mang tyngka 23-24 kilong T. 1.10 lak klur, T. 1.51 lak klur bad T. 1.69 lak klur.
Ka durharum ka pyni ia ki jinglum GST ba man ka bnai jong une u snem. Ka table-1 ka pyni ia ki jinglum GST katkum ki jylla ha man ka Jylla jong u bnai Jylliew 2023 haba ianujor bad u bnai Jylliew 2022 bad ka table- 2 ka pyni ia ka bynta SGST jong ka IGST ba la ioh/pynbeit sha ki Jylla/UT ha u bnai Jylliew 2023.
Meghalaya ka jingioh lum ia ka GST jong u bnai Jylliew 2023 ka long T.194.14 klur tyngka, ka jingkiew ka long da 27% , ha u snem 2022 ha u bnai Jylliew ka jingioh lum ia ka GST hapoh ka jylla Meghalaya ka long T.152.59 klur tyngka.
Ka jingai na ka sorkar pdeng sha ka jylla Meghalaya na ka bynta u bnai Jylliew ka long na ka SGST jong ka IGST kaba la ai sha ki Jylla ha u Jylliew 2023 ka long T.86.75 klur.
