Shillong, Jylliew 26: Ka seng ka pynrem jur ia ka PHE department halor ka Jing bym lah ban shim khiah halor ka ka Jing khuid jingsuba ka Um am Um duh u paidbah. Ka seng ka la kdew shibun ki Jingduna ka Um bam Um dih ba wan na mawphlang kaba la pyn shisha ruh da ki test ki ba ka seng ka la phah na pasture Institute.
Ka report jong ka tnad sorkar lymba ka State development reform commission (SDRC) kaba la ong ba ka Um na PHE ka long ka bym khuid, kumba la mih ha ki lad pathai khubor ka la nang pynpaw tynkrain ia ka Jing bymshim khiah, bad Jing shim sting jong ka PHE ia ka Jingkoit jingthiah u paidbah.
Ka seng ka la dep ba ai ki Shithi ryngkat ki RTI report ba kdew ia ka Jing jakhlia ka Um bam bad la ai ruh ia ki jingai jingmut ki ba bun ban pynthikna ia ka Um kaba khuid naka Bynta u paidbah. Wat Hadien ka Jingujor Sha baroh ki bor ba dei peit, Naduh u Chief Minister, Health Minister, PHE Minister bad kiwei kiwei de, la iohi ba Kam Don ka Jing shimkhia wat khyndiat dait ruh.
Ka seng ka la shon dur ia ki pipe ki ba mih na iew duh ki ba leit Sha ki top shnong ki ba lap ba ki Iaid lymba ki Nala kiba jakhlia, ki ba la shu teh da ki jri bad ki pa la poi Suda, kaba pynlong ba ka um ba poi Shaduh ka iing briew ban jakhlia.
Kane ka report ka SDRC ka la nang pynskhem ia ka Jingshim sting ka PHE bad ka Jingbym lah ban leh eiei Naduh ki por ba ka seng ka la kyntu halor kajuh ka Phang. Ka seng ka ai ka jingia ruh ia ka Kynhuh ka SDRC kaba la test ia ka Um bam u paidbah bad kaba la wanrah paidbah ia Kane ka Jing leh Thurmur ka PHE.
Ka seng Kan nangpynjur ia ki Jingthoh kit ia ka Um bam u paidbah ha kylleng ki bynta nang ne Sha Khmat bad ka sorkar kadei ban pyndep ia la ka jong ka kamram. Sa shisien ka seng ka kyntu ia ka tnad ba dei peit ia ka koit ka khiah u paidbah ban tuklar halor kane.
