Shillong, Naiwieng 08: U myntri rangbah ka jylla u Dr Mukul Sangma u la ong ba ka Village Adminstration Bills (VAB) kaba la pass da ka KHADC kan long katkum ka Riti synshar jong ka Ri India, lada kwah ban ioh ioh ia ka VAB, ka KHADC kala dei ban shim noh ia kane ka bill kaba mynta bad pass da kaba thymmai khnang ba u Lat jong ka jylla un ioh ban soi noh ba kan kylla noh ka ain.
Haba kren ha ki nongthoh khubor mynta ka sngi u la ong ba, ka ophis jong u Lat ka jylla ka dei ka ophis ban bat ia ka Riti Synshar jong ka Ri, lada la pass ia kano kano ka bill la ka dei na ka iing dorbar thawain jong ka jylla lane na ki District Council ka hap ban leit sha ka ophis jong u Lat ka jylla bad lada kam don kano kano ka jingityngkhuh ba ka Riti synshar u Lat jong ka jylla un sa ai ka jingmynjur.
Haba jubab ia ka jingleit jong u Bah Neil Antonio War sha ka BJP, u la ong b aka bha palat ban lait na ka jingiaknieh tiket, bun ki briew kiba duh tiket kin dang leit sha ka BJP kane kan nym don jingwit ia u. U myntri rangbah u la ong b aka jingkren jong u Nalin S Kohli kan long kaba dei, lada u kwah ban iohi ia ka roi ka par u dei ban leit sha ki nongkyndong ban lap ia ka jingshisha.
Halor ka jingkren pyrshah seng jong u Bah AL Hek MLA, Vice President jong ka party bad u Bah Rowell Lyngdoh MLA, u la ong ba leh se ka dei tang ka jingthoh bakla kam dei kumba leh u Bah PN Syiem na ka por sha ka por u la ong ba ki don ki jingthoh kiba um treh hi ruh ba sngap namar leh se ka don ka jingthoh bakla.
