Shillong, Iaiong 29: Ia ka jingbym hun ia ka jingmang pisa jong u Chief Executive Member ka KHADC u Bah Teinwell Dkhar mar T.50 lak tyngka ia baroh 29 ngut ki MDC ka jingiaknium kala mih nyngkong ka ki para dkhot jong ka United Democratic Alliance (UDA) bad pynbut sha ki liang pyrshah.
Katkum ki lad khubor kiba la ioh da u SP News Agency ha kaba ia dei bad kane ka skhim jong ka sorkar pdeng kaba T.50 klur tyngka na ka bynta jong ka KHADC, kala paw shai ba ka KHADC kala ioh pdiang haduh mynta T.34 klur tyngka bad kaba dang sah mynta ka long T.16 klur tyngka.
Hynrei na ka liang jong ki para MDC hapoh jong ka KHADC, khamtam ka liang pyrshah kumba la kren da u Bah Lamphrang Blah nongialam ka liang pyrshah bad u Bah RV Lyngdoh MDC na ka seng Congress kila dawa ba ia kane ka pisa dei ban sam sha baroh ki MDC mar T.1.50 klur tyngka.
Katkum ki jingtip kiba la ioh la ong, haba ka sorkar pdeng ka ai ia kane ka skhim sha ki District Council, kam shym la bethah ban sam sha ki MDC ba kan long ka MDC skhim, hynbrei ynda la poi sha ki District Council la bhah ia kane ka pisa sha ki MDC ba kin phah skhim katkum ka jingmang pisa kaba la bethah da ka Executive Committee.
Hynrei na kaei kaba la dep paw ha ki lad pathai khubor ka long ba ki MDC hapoh jong ka KHADC ka long ba wat la kam pat ioh lut ia ka pisa baroh T.50 klur tyngka na ka sorkar, la ia dawa tyngka ki MDC.
