Shillong, Nohprah 21: Ka KHNAM 18 Shillong West Constituency Committee ka pynpaw ka jingsngew phylla halor ka jingmih khubor “ba ki nongialam ba hakhmat eh jong ka KHNAM 18 Shillong West ki la leit ban pyniasoh bad ka seng UDP 18 Shillong West”.
Kane ka lah ban ialam bakla ia u paidbah bad ka seng kam banse ban pynshai paidbah halor kane. Kat kum ka khubor ba la mih la batai ba ia ka kynhun jong ka KHNAM la ialam da u Boldwill Nikhla kum u Disciplinary President bad U Franky Nikhla kum u Educational Secretary ban pyniasoh sha ka UDP.
Ka KHNAM 18 Shillong West kam don ia ki post Disciplinary President bad Education secretary kumba la kam. U Bah Paul lyngdoh u ladei ban pynthikna shwa ba ki dei ne em kita ki nongialam ba hakhmat bha kum ba la mih ha ki kot khubor, bad ka seng hi kan long kaba kloi ban ai jingtip halor ki dkhot jong ka.
“Ngim tip ioh u bah Paul Lyngdoh u la shah ialam bakla ha ki katto katne, ne u pyrshang ban ialam bakla ia u paidbah”. Ka seng kam lah ban khang ia ka jingpynrung dkhot jong kino kino seng sain hima sima, hynrei ka seng ka maham ia ka jingkam long dkhot khlem da dei shisha, ka seng kam banse ban shim da ka lynti jong ka ain lada don ki ba shim kabu.
Kine ki lah ban dei ki “politrick” khamtam ba la jan ka election, “Ka por election ka la kylla long ka por kamai na ka bynta ki katto katne, kaba la pynsniew pat ia ka kam sain Hima Sima, hynrei ka seng ka ngeit skhem ba ki 100 ngut ki dkhot jong kano kano ruh ka party kam lah ban pynbeij ia ki phew hajar ngut ki nongthep vote jong kane ka constituency.
