Shillong, Nohprah 18: Ka KHNAM state youth wing ka pynrem jur ia ka jingkren lamler kren khynnah jong u working president ka UDP bah Bindo M Lanong u ba la Ong ba ka KHNAM ka la kut.
Ka seng ka la pynieng ia ki lai ngut ki kyrtong ha kane ka MDC bye election, halor ka Nongrim ba Skhem ki ba ka seng ka ieng, namar ia ka KHNAM la kha namar ba ki seng Sain Hima, kum ka UDP, ki ba kam ba ki long ki seng ki ba heh ha ka jylla ki la phail ban pyn thikna ba ka jylla kan nang heh nang plung ha baroh ki liang.
Kane ka result jong ka MDC bye election, ka la nang ai mynsiem ia ka seng ban dang trei shitom bad iai khih iai ksar halor ki nongrim ki ba ka seng ka ieng. Kum ka seng ka ai khublei ia u bah Bindo halor ka jing jop ka UDP ia artylli ki seats ha kane ka bye election hynrei ngi pyntip ruh ba ka KHNAM kam donkam ia ka certificate jong U Bah Bindo. La ong u bah Thomas Passah ha ka kyrwoh ba la phah sha ki lat pathai khubor.
