Shillong, Kyllalyngkot 10: Ka Jingmih ha ki kot khubor kaba ong “hadien 27 snem ki jingia khih, rai kut ka MUA-II ban khang tih Uranium” ka long ka jingshisha ne ka jingpyn thoh bria ia u paidbah ka jylla. Kane ka juh ka sorkar ka la dep ban ai jingbit ia ka UCIL ban leh ia ka pre mining project ha South West Khasi Hills naduh 2009 kata la 8 snem mynta wat ha pdeng ki jingpyrshah na ba bun liang.
Ka jingshisha ka long ka sorkar jylla kam don bor eiei ruh ha kaba ia dei bad U Uranium. ka Atomic Energy Act 1962 ka la batai shai, haka ba ia dei bad u Uranium, ka bor ka shong beit ha ka sorkar pdeng. Ka Section 3 jong kane ka ain ka la batai shaphang ka bor (General powers) jong ka Sorkar Pdeng.
Ka Section 3(a) ka la ong “the Central Government have the power to produce, develop, use and dispose of atomic energy and carry out research into any matters connected therewith.” Shuh shuh haka section 3 (bb) (i) la batai “the Central Government have the power to buy or otherwise acquire, store and transport any prescribed or radioactive substance and any articles which in its opinion are, or are likely to be, required for, or in connection with, the production, development or use of atomic energy”.
Ka Section ba 10 (c) ka ong “The Central Government have the rights to use and occupy the surface of any land for the purpose of erecting any necessary buildings and installing any necessary plant in connection with the working of the minerals aforesaid(Atomic)”. Ka Section 11 jong kane ka ain ka la batai ruh shaphang ka compulsory acquisition. Bad ha ka Section ba 21 jong kane ka ain la batai shaphang ka “Principles relating to payment of compensation”.
Ha Lok Sabha ha ba jubab ia ka jingkylli ka ba 1456 ba la wanrah daka Shmt Meenakshi Lekhi halor ka jingiaid sha khmat jong ki kam tih Uranium ha Meghalaya, la batai ba ka sorkar pdeng ka la dep ban pynkhreh ia ka Detail Project Report, ka Environment Impact Assessment (EIA), Environmental Management Plan (EMP) bad kiwei kiwei ki kot ki sla ba donkam na ka bynta kane ka kam. Ka sorkar pdeng ka la batai ruh ba ka la ioh ia ka jingbit lane clearance naka Minintry of Environmnnet & Forest.
Ka jingkhang lad bad ka jingpyrshah ia ka surok two lane da ki ba bun balang ka la khang lad ia kane ka project namar ka jingbym ioh ia ka NOC na ka KHADC. Bad ki sabut satar bala lap ki la kdew shai ba ka jingshna ia kane ka two lane hi kadei ban pyniaid beit ia ka kam tih uranium haka jylla.
Ka jingkren jong ka sorkar jylla lane jong ki katto katne ki ba kam ba ia ka kam tih uranium ha ka jylla la pynkut ioh kadei ka buit ban pynklet bad pynthoh bria ia u paidbah bad ia kiba pyrshah tih uranium khnang ban plie lad ia ka project shna two lane kumba la kwah dik dik ka ki ba thmu tih ia u ne u mar poh khyndew. Ka jingmih khubor halor ka jingkhot tender jong ka AMD ban ksam maw uranium ha Nongjri SWKH ka la kdew shai ba ka jingpyrshang bad ka jingthmu ban tih uranium ha ka jylla kam pat kut bad ai ba kito kiba la pynbna ba ka jingthmu tih uranium ka la kut kin jubab balei pat ka AMD ka dang khot ia ka tender.
Ka KHNAM State Youth Wing ka pyrshah bad kan iai pyrshah ia ka jingtih ia u uranium haka jylla. Ka district council kadei ban pyndonkam hok iaka land transfer act ban khanglad iaka ia ka jingpyrshang tiplh uranium.
