Shillong, Nailar 24: U Myntri rangbah ka jylla u Conrad K Sangma mynta ka sngi u la pynbna ba ka tnad shangkai pyrthei kan pynlong ia ka tamasa ‘Meghalaya Autumn Festival 2022’ ka ban sdang ha ka 7 Nailur 2022 da ka jingplie ia ka Crowborough Hotel ha Police Bazar.
Haba kren ha ki lat pathai khubor mynta ka sngi haba pynbna ia kane tamasa la ong ba ka jingthmu ka long ban kyntiew ia ki kam shangkai pyrthei ha kane ka jylla bad ban pyniia ki riti dustur ki paidbah kane ka jylla sha ka pyrthei.
U myntri rangbah u la ong ba ka sorkar kan pynshlur ia ki paidbah ban buh ia ki iing basa bad ka sorkar kan iarap haduh 70% na ka jinglut, iathuh ba mynta ki don 300 tylli ki aplikoshon la ong ba ynda la dep ban shna lut ia kine ki iing basa ka jylla kan sa don hadpeng 5000 haduh 6000 kamra.
U Mytnri Rangbah ka jylla u la ong ba ka jylla ka ioh lum khajna hapdeng 5 bad 6 klur tyngka shisnem na ka GST bad ka sorkar ka buh ka thong ba ynda la dep baroh ki iing basa ka sorkar kan ioh lum khajna 75 klur shisnem.
Kawei na ki tamasa kaba kham phylla ka long ba yn pynlong ia ka jingiakop kienglieng ha pung Umian haduh 1500 tylli ki lieng kynda da ka jingiatreilang bad ki shipai, la iathuh ba ka tamasa ‘Cherry Blossom Festival’ kan long 9 sngi lynter bad ia ki tiket na ka bynta ka Cherry Blossom yn sdang ban die noh.
Kaba kham phylla kan long ba kan don ka jingiakop rwai kaba lai sngi lynter bad ki nongjop kin iohia ka khusnam kaba shiphew lak tyngka bad kiwei kiwei ki jingai sngewbha ha kaba baroh kan kot sha la arphews san lak tyngka bad kin ioh ruh ban tem lang bad ki nongrwai ba pawnam ka pyrthei.
Haba jubab ia ki jingkylli u myntri rangbah la ong ba ka sorkar kala kyntu ia ki riew paidbah ban wan shakhmat ban buh ia ki Dhaba kiba bha ha lynti na Paikan shaduh Tura, ia ka jingpyninam ia ki shad tyrnai la ong ba ka jingtei ia ka iing ka dang iaid mynta ha Mawdiangdiang.
Ha pdeng katei ka por ki tamasa kiba juh long kin long kumba juh long kane ka tamsa kan long kumba juh long ha kane ka sngi la don lang ruh u myntri ba dei peit ia ki kam jongoh kai pyrthei, u Secretary u Dr. Vijay Kumar bad u Director ka tnad shangsuwari u bah CVD Diengdoh.
