Shillong, Kyllalyngkot 14: Ka jingiakynad hapoh ka seng HSPDP katba dang mih ki sngi kala sdang ban daw paw pyrthei bad kane ka long ba u Bah Londener Sohtun ba bat ia ka Media Cell jong ka seng um tip ba ka kong Badariti Lyngdoh Nonglait kam dei ka nongkit kam jong ka seng HSPDP.
Dang shen ha ba la mih ka jingkynthoh na ka kong Badariti L Nonglait bad na u Bah LG Nongsiej halor ka jingsaspon ia u MDC ka Mawryngkneng u Bah Pyniaid Syiem, ka seng HDPDP kala pynshai ia kane hapoh Shillong Press Club da u Bah Sohtun bad halor ka jingkylli hato ka kong Badariti Lyngdoh Nonglait ka dei ne em ka dkhot jong ka seng HSPDP u Bah Sohtun u la on gem.
U Bah Sohtun u la ong ba ka kong “ Badariti Lyngdoh Nonglait kam dei ka dkhot jong ka seng HSPDP, ka dei ka pyrsa ksiew jong I Ma ieit Hoping” ia kane la kren da u Bah Londener Sohtun ha ka jingiakynduh ia ki nongthoh khubor ha kaba la don lang ruh u organisng secretary jong ka seng u Bah Grosper Mylliemngap.
Haba ia kren bad ka kong Badariti Lyngdoh Nonglait , ka la kam ba ka dei ka dkhot jong ka seng HSPDP bad ka ong ruh “ Haba nga bat president jong ka Women’s Wing jong ka West Khasi Hills District”. Na ka liang jong ka kong Badariti Lyngdoh Nonglait kala pynpaw ia ka jingsngew kyntdit jong ka ban tip ia kane.
