Shillong, Nailur 01: U Bah Daniel Khyriem president jong ka KSU u la ong ba ka seng ka pynpaw ia ka jingsngewnguh ia u CEM jong ka KHADC u Bah PN Syiem u ba la shim ia ka rai ban nym ai NOC ia ka surok kumba la dawa da ka seng, na Nongstoin sha Wahkaji.
Ha ka juh ka por na ka liang jong ka seng ka dap da ka jingkmen ba ka KHADC mynta ka pynlut T.20 klur ban maramot ia kane ka surok kaba la sniew palat kaba leit sha kitei ki thain, na ka liang jong ka seng kan dang ia kren bad ki bor sorkar ba kan peit ia ka roi ka par jong katei ka thain.
Haba ia dei bad kiwei pat ki surok kiba lait na kane ka surok kaba ki pyrshah u bah Daniel u la ong ba kane ka shong ha ka jingstad jong ka KHADC, ka seng kan peit aiu ka KHADC kan leh ha kine ki sngi ki ban sa wan.
