Shillong, Rymphang 20: Ka KSU South West Khasi Hills District ka pynpaw iaka jinglyngngoh halor ka jingkylla nongrim kyndit kyndit jong u bah H.S Shylla ( Ex CEM) bad u MDC ba mynta jongka Nongkrem Constituency. Kumba ka paw lyngba Ki lad pathai khubor ngi iohi ba naka liang jong u u la kylla ktien da kaba u Ong ba u pyrshah ia u uranium bad hana u la Phah ruh daka jingthoh sha u Jitendra Singh ban dawa ba dei ban weng iaka lynnong tih uranium hapoh ka jylla.
Na ka liang Ka Seng kim da kwah ban ong eiei than hynrei tang ban shu pynkynmaw ba Kumno u la shet kylla iaka Jaitbynriew bad iaki paitbah ka West bad South West Khasi Hills District haka snem 2006 . La kyntu iaki paitbah ka bri u Hynniewtrep bad iaka KHADC ba ki dei ban husiar ban die tad dor iaka Jaitbynriew ha ka UCIL. ” ka KSU SWKH District kala kynnoh ba u Bah Shylla u la die ri haka 12. Kyllalyngkot.2006 da kaba kum u CEM ka KHADC ha katei ka por u la iasoi iaka Memorandum of understanding (MOU) bad na ka UCIL la soi da u R. Gupta u ba dei u Chairman bad Managing Director ka UCIL ha katei ka por.
Ki kaba la iasoi lang ruh da u Bah Ronnie V Lyngdoh, Minister Urban Affairs ba mynta, u bah P.W Khongjee bad u bah W. Mynsong, MDC barim kum ki sakhi” . Kane ka jingiasoi soskular ka long ban ailad iaka UCIL ba kan iaid shakhmat ha ka ban shna iaka surok na Wahkaji sha Mawthabah haka jingjngai ba 20 kms bad ban ailad ruh iaka Company ba kan iaid shakhmat haka jingtih uranium .
Ka Seng kam sngewphylla iaka jingleh u Bah Shylla namar u dei u ba ju mlien ban pynkulmar iaka Jaitbynriew ha kitei ki snem bad uba la ialam bakla ruh ia kiba bun halor ka issue uranium ha ka snem 2006. ” Kane ka lah ban dei ka buit politics jong u daka jingthmu ban pynkhyllem iaka EC ba mynta jong ka KHADC bad ba un ioh Biang iaka shuki kum u CEM.
Ka Seng KSU ka buh ia ka jingkyllai ia u bah Shylla ba naduh mynno u la kylla kaba mut bad kylla nongrim ne ioh dei tang ka buit ialam bakla iaki paitbah halor u uranium “. Tang kawei , kum Ka Jaitbynriew ba la mad iaka jingshah pyntyrha ha kum kine ki nongmihkhmat haki snem ba la leit lyngba Ki buit jongki , ka KSU ka ong ba ki kren da kaba shai ba kim pat Lah ban shaniah ia kane ka jingkam u bah H.S Shylla bad ai un pynmih shwa ia u soh u ba thiang bad kin sa ia peit ia Kata.
Shuh shuh na ka liang jongka Seng, ki ai ka jingkyrshan ba pura ia Ka KSU Ranikor Circle kaba la dawa naka sorkar ba kadei ban phah tap noh mardor iaki thliew ksam uranium ha ki thain Porkut ( Nongjri) da kaba kynnoh ruh ba kane ka dei kawei naki daw ba pynkylla rong iaka wahblei bad pyniap ruh iaki dohkha ha kane ka wah.
Lada ka Sorkar Meghalaya ka la pynsangeh shwa iaka lynnong tih uranium ha Mawthabah ka dei ruh ban phah weng noh mardor bad pynshai paitbah ruh kaei ka la leh halor ka tender drill uranium ba la pynbna paitbah daka Atomic Minerals Directorate ha u Nohprah jong u snem 2016 haka thain Nongjri lem Kumta Ka Seng ka la don lypa ki rai ban iatyngkhuh lada Ka sorkar Kam pynshai paitbah bad weng mardor ia kane ka Tender Notice, la ong u Bah Forwardman Nongrem, President KSU SWKHD ha ka khubor kaba la pynlait mynta ka sngi.
