Shillong, Iaiong 24: Ka KSU Laitumkhrah Unit ha ryngkat ka Team Revolution MMA kin pynlong ia ka Maitshaphrang Fight Night lane ka Meghalaya Cage Fight ha ka 19 tarik u Jymmang 2023 ha Anton Hall ka ban sdang naduh 3 PM shaneng.
Ka KSU ka iohi ba ki samla Khasi ki don sap bha ha kine ki jinglehkai kumba ju sakhi mynshwa ba ka Jaidbynriew ka pynmih ki khlur kum ka Kong Linza Syiem, Bah Torak Kharpran bad kiwei kiwei.
Kumta, kum shi bynta ban kyntiew ia ka jingialehkai MMA ka KSU Laitumkhrah Unit kan kyrshan ia ka Club Team Revolution MMA ha kane ka sienjam.
La kyrpad ia ki samla Khasi ban shim bynta shitrhem bad kumjuh ruh ia ki paidbah ban ai ka jingkyrshan ba pura ia kine ki samla khnang ba ki samla kin lait na ki jingdih ba kyrni bad kin ioh ka met kaba shait ba khlaiñ.
