Jowai, Naiwieng 06: Ka Khasi Students Union(KSU) Jaiñtia Hills District Unit, ka dap da ka jingsngew kyndit bad sngewsih kthang ban tip ba i Bah G H.Kharshanlor U President Rangbah jon
g ka seng Hynniewtrep National Youth Front(HNYF-CB), uba la shakri borbah jong ka Ri bad ka Jaidbynriew.
Ka jingkhlad noh jong u ka long ka jingduh kaba khraw ym tang ïa ki ba ha iing ba ha sem lane ïa ki Para Dkhot jong ka Seng HNYF, hynrei ka long ka jingduh kaba khraw ïa ka Ri bad ka Jaidbynriew jong ka Bri u Hynniewtrep Hynniewskum.
Ka jingduh ka long kumjuh ïa ka jylla hi baroh kawei namar u dei wei na ki nongialam Rangbah jong ka HNYF uba juh ia don bynta lang ban trei borbah ha ryngkat bad ka seng KSU, FKJGP, SSSS ha kaba iadei bad ki kam khappud jong ka jylla bad ka Ri Bangladesh lyngba ka kynhun ïa kaba latip kum ka Coordination Committee on International Border (CCIB).
Kum ka seng KSU ka phah ruh ka jingsngewlem sha ka iing ka sem jong i bad ngi duwai ba U Blei un don ryngkat ban pyntngen ïa ki ba iing ha sem jong i ha kum kane ka por ba u lyoh badum u wan ban tap ïa ka iing ka sem.
Ha ka kyrwoh u samla Cherity Suja general secretary ka Jaintia Hills District u la ong ba ka jingkyrshan, khamtam eh un kyrshan bad pynshait bor ia baroh ha ki sngi ki por ki ban dang wan.
