New Delhi, Naitung 12: U myntri ka sorkar pdeng u Nitin Gadkari u ba dei peit ia ki kam shna surok bad ki kam shna jhad u la khot lawer ia ki heh spah jong ka Ri America ba kin wan ban bei pisa sha kane ka Ri India ba kin wan ban seng ia ki kam ki jam jong ki namar mynta ka dei ka kabu ksiar ia ki namar kane ka sorkar mynta kala buh ia ka thong kaba ha khmat eh ban shna ia ki jingtei bapher bapher ha ka Ri.
Ia kane u la kren ha ka jingialang kaba la long ha Washington ia kaba la pynlong da ka U.S.-India Business Council (USIBC) ha kane ka jingialang na ka liang jong u myntri jong ka sorkar pdeng u la ia kren bad bun ki heh jong ki company bapher bapher jong ka Ri America ha ryngkat kajingiadon lang jong ki compant kiba na India.
Haba kren ha kine ki heh spah jong katei ka Ri u Gadkari, u la ong ba u myntri rangbah duh jong ka Ri u Narendra Modi, u la buh ia ka thong ba ki kam ban tei ia ki jingtei kum ki surok ha kane ka ri ka long ka bynta kaba ha khmat eh, kum ki surok bad ki kad jhad bad ka bamsap kannym don jaka namar bay n leh ia kano kano ka kam ka long beit haba shai ba shit.
U Rohit Kumar Singh, Joint Secretary, ka tand shna surok u la batai bniah ha kieikibynta ba lah ban bei pisa lada ka long ha ka liang jong ki surok, katba u Alok Srivastava, Additional Secretary, jong ka tand shna jhad u la batai bniah ha ei ba lah ban beipisa ha kane ka bynta, kane kam dei tang ha kaba shna ia ki kad jhad hynrei kan long ruh ka lad ban ai kam ai jam.
U president jong ka USIBC, u Dr. Mukesh Agh u la ong ba kumba ka long mynta ka jingkiew sted ha ki nongbah jong ka Ri India kala pynlong ba don kam ia ki surok kiba biang ha ka leit ka wan, kum ki surok, ki lynti rel, ki kad liengsuin bad kum ba kalongmynta ka Ri India ka don kam kumba $1 trillion ha ka pisa US ban leh ia kine kikam u la ong bad kane ka dei ka kabu hapdeng Ri USA bad ka Ri India.
U Dr. Ravindra Verma, Managing Director jong ka TransAsia Infrastructure Group, ka company ba pyntri ia ki kam u la batai ba kumno ba kane ka jingiakren ka long kaba seisoh bad Dr. Verma u la ong ba hapoh ka jingialam jong u myntri ka sorkar pdeng u Gadkari’s kala long ka bynta kaba kongsan n aka bynta ban pynbha ia ki surok kiba la don lypa ruh bad ka jingdon kam pisa kan long shi $1 billionha ka pisa USA bad kiba bun na ki kam kiba don ha Ri India. Ong ka khubor na PIB.
