Shillong, Naitung 12: Ka dorbar shnong Mawsynram mynta ka sngi kala leit ban ai da ka jingthoh sha u Deputy Commissioner jong ka East Khasi Hills District u Bah PS Dkhar ban kam ba kane ka krem Mawjymbuin ka dei dei ka jong u paidbah, hynrei ka hap hapoh jong ka jingpeit jong ka dorbar shnong Mawsynram.
Haba kren ha ki nongthoh khubor mynta ka sngi, u Bah P W Sohlang secretary shnong ha ka jingiadonlang u Rangbah Shnong u Bah M Marbaiang bad ki dkhot jong ka dorbar shnong ba, ka shnong dalei lei kan nym shah ia ia kata ka seng khasi hima Mawsynram ban pynlong ia ka jingkam trai jong ka kumba la paw ha ki lat pathai khubor.
Kum ka shnong kan ia mih paidbah ban pyrshah ia kane ha ka 15 tarik mynta u bnai kumba la kam da u president kata ka seng u Bah T. Myrthong, kane ka dei ka jaka paidbah ha kaba ki briew ki lah ban wan jngoh ia katba kimono khlem da don ka jingkhang, hynrei kane ka jaka ka hap hapoh ka jingpeit jong ka dorbar shnong hima Mawsynram.
Halor kane ka jingkam jong ka seng khasi hima Mawsynram, na ka liang jong ka dorbar shnong kala dep ban kylli ia u Pa,im Amos Malanniang la ka don shishsa ne em kata ka jingiasoi soskular, na ka liang jong u Syiem u la len ba kam don kaba kum kata na ka liang jong ka shnong mynta ka dang wat ia kata ka soskular lada ka don.
Na duh kip or mynshuwa haba ka sorar ka kwah ban leh ei ei ha kane ka jaka ka pan jingbit na ka shnong Mawsynram, ha dien b aka wan ka “Yatra” kala don ka jingai jbit na u Syiem shipor hynrei ia kane ruh la ia pynbeit bad ha dien kiba wan “Yatra” ruh ki pan jingbit na ka shnong, bad la juh ai ia ka jingbit halor kawei ka kyndon ba ha ka por ba long “Yatra” ym dei ban pynthut pat ia kiba wan kai bad ki dei ban lehkhuid.
Na ka liang jong ka dorbar shnong kan nym ailad ia kiwei ba kin wan kam trai ia kane ka jaka paidbah, kaba hap hapoh ka jingpeit jong ka dorbar shnong Mawsynram. Ka shnong kan mih paidbah ha ka 15 tarik mynta u bnai ban khanglad ia kata ka jingthmu jong kata ka seng khasi hima mawsynram ban leit ban kam ia kane ka jaka.
