Jowai, Jymmang 6: Ka Meghalaya Electrical Corporation Limited (MeECL) ka leh aiu ban pynbha ia u Tranformer jong ka CHC kaba don ha Laskein ha kaba hap ban kyntur da ki seng bhalang ban ong shnanoh, kumba la leh da ka seng KSU na Jaitnia Hills.
u Publicity secretary bah N. Sutnga jong ka seng KSU ha ka kyrwoh kaba u la pynlait mynta ka sngi u la iathuh ba ha dien ba ka MeECL kam leh ei ei wat la dep ban pyntip ia kane ka jingduh jong u Transformer hapoh jongka CHC, hapoh ka jingialam jong u Bah J.Paul Lyngdoh kila leit ban ia kynduh ia u Chief Executive Officer ba dei peit Eastern circle ban iakren halor kane ka jingeh ba kane ka jaka sumar ka la kynduh.
Na ka liang u ne u nongialam u la ong ba “Ki Nongshong shnong jong kane ka thaiñ ha Laskieñ Block ki donkam shibun ia kane ka ka Hospital bad la iarap bad shakri shibun eh ia ki,khamtam ia ki nongpang ba kim da donkam ban hap leit sha jngai bad kala pynsuk shibun wat ia ki para nongshong shnong ki ba don haki thain Block 1 namar ba ka jan ia ki ban wan sumar hangne.
Tangba lada kam don da ka light kam lah hi ruh ban leh eiei khamtam ha kane ka juk ba mynta kat kaba leh ruh la pyndonkam daka light, kumjuh por miet bad um ka shitom ia ki nongtrei ki nurse ki doctor ban sumar iaki nong pang.
Ha kane ka jingiakynduh naka liang u CEO jong ka MeECL ruh u ong ba yn sa leh noh hi kyrkieh ia kane ka light bad kan sa shimpor tang katto katne por ban pynbiang ia ki Tranformer bad ia tiar light kiba kane ka Hospital ka donkam.
