Ka MLCU katyrwa 100 tylli ki “COVID Scholarship” na ka bynta ki khynnah kiba duk

Shillong, Nailar 29: Ka Martin Luther Christian University ka tyrwa ban ai ia 100 tylli ki jingpule ha ki jingpule bapher bapher jong ka Under Graduate seat khlem da donkam ban siew na ka bynta u snem 2021-22.

Kane ka jingtyrwa kan long ia ki khynnah kiba shem jynjar ha ka liang ka ioh kakot. Kane ka jingiarap  kan dei na ka bynta baroh 3-4 snem jong ka Bachelor’s Degree. yn shim ruhtang ia kabai applikoshon kaba long 100 tyngka.

Kine ki jinhpule ba yn ai ei kan long ha ka jingpule ba ia dei bad ka jingpule ha ka Business Administration (BBA), Bachelor in Computer Applications (BCA), BSc Environmental Science (BSc ES), BA Music, BSc in Food Science and Nutrition  bad ka Bachelor in Travel and Tourism Management (BTTM).

Ban sha jied ha katei ka jingpule ba ka MLCU kan pynpule ei ia ki khynnah katkum ki kyndon kiba la buh da ka skul bah, kin long u ne ka khynnah kiba ym don kmie kpa shuh, kiba la duh ia ka kam ka jam na kadaw jong kane ka khlam COVID-19, ki khynnah kiba wan na ki long iing bym don shuh ia ki kmie ki kpa.

Ki khynnah ki dei ban dei ki khun swet, u ne ka khynnah kiba don ka jingduna ha ki dkhot met bad kiba shem jynjar ha ki liang baroh bad ia kiba la pynkylla kynthei synrang.

Ka jingkhot ia kine ki aplikoshon kala long naduh ka 28th Nailar 2021 haduh ka 13th Nailur 2021. Ia ka jingtip ba kham bniah lah ban ioh naka website jong ka University lane da kaba phone ha u number 9362703349/ 9863594249.

Ka khlam Covid-19 kala wan rah iaka jingeh kaba khraw khamtam ha ka liang ka ioh ka kot jong kiba bun ki long ing long sem bad ka pynlong ruh iaki ba kin ym lah shuh ban  siew ia ka bai jingpule jong ki khun jong ki.

Ka jingkiew jong ki khynnah kiba pass ia ka Higher Secondary Board Examinations mynta u snem ka la pynlong ia ki jindon kam kiba bun ha ka liang jong ki jingpule  kiba dang dei hapoh ka Under Graduate.

Wat ha dien jong ka jingpdaing ia ka jingpynrung klas ia ki khynnah, ka skul bah  kan ai ruh iaka jingkyrshan kum kaba peitngor bad  ai jingsyllok na ka bynta ka jingbha jingmiat bad ka jingkiew shaphrang haka liang ka pule puthi jong ki. Ka ophis ba dei peit ia ki khynnah kan ai ia ka jingkyrshan kaba kyrpang ia kine ki khynnah ha ki liang baroh.

Wat la hapdeng jong kane kakhlam Covid 19, ka MLCU ka la kiewbha ha ka liang ka jingpynrung klas na ka bytna jong u snem  2020-2021. Kat haduh mynta, ki lah jan kot sha ka phrahajar ngut ki khynnah kiba lah pass na kane ka skul bah  bad ka la ioh ruh ia ka kyrdan ka ba ha jrong na ka liang jong ki skulbah ki riew shimet  ha kine ki snem  snem kiba la dep.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet