Shillong, Iaiong 10: Ka Meghalaya State League kamdei shuh kaba dang thymmai hynreinla la pylong ia ka la arsien ha ki snem ba la dep hynrei na ka daw ka jingwan lynshop ka khlam Covid-19 la hap ban pynsangeh noh shuwa ia ka ha kine ki snem ba dep.
Ka Meghalaya Football Association lyngba u bah Wanshanbor Kharkhrang u ba long kum u Treasurer jong ka Association u la pyntip ba shen kan sa sdang biang ka lympung MSL. Kane kan dei ka sien Kaba lai ba ka Association kan pynlong ia kane ka lympung ha ka jylla.
U bah Wanshanbor Kharkhrang u la ong ba ka MSL kan sa sdang noh naduh ka 5 tarik bnai may 2023. La phiah ha ki saw tylli ki Zones kita ki long ka Jaintia Hills Zone ka ban long ha Jowai, ka West Khasi Zone ka ban long ha Mawkyrwat.
Ka Garo Hills Zone ka ban long ha Tura bad ka Ri-bhoi bad East Khasi Hills Zone kan long ha Shillong SSA, ha ka 5 tarik may kaban dei ka sngi sdang yn sdang na Jowai zone hakaba yn sa iakynduh ka Rangdajied Fc vs ka 7 Wasa
U la ong ba ki la don haduh 25tylli ki team kiba la long qualified bad ki ba la ioh ban iashim bynta ha kane ka kynti. Shuh shuh u la ong ba ki Association kiba pyndep ia ka league kin ioh ka subsidy kaba long 2 lakh tyngka. Katba ki clubs kiba long qualified na Kato ka league kin ioh 1 lakh.
Ki saw tylli ki Association ki ba kynthup ka ka Jaintia Hills Zone ka ban long ha Jowai, ka West Khasi Zone ka ban long ha Mawkyrwat, ka Garo Hills Zone ka ban long ha Tura bad ka Ri-bhoi bad East Khasi Hills Zone kan long ha Shillong SSA, kin ioh ia ka jingiarap ba ki la ioh ban pyniaid iakane ka MSL.
Na ka liang ka Association. La ong ba ka phai jong ka MSL kan long ha ka taiew ba nyngkong jong u bnai June, bad ia ka jingiakhun phainal kan long ha shillong ha madan SSA,
Ka khusnam kan long da ka pisa prize na ka bynta ka team ka ba jop ha ka phainal kan ioh ioh khun ia ka song pisa kaba 5lakh tyngkat katba ka team ba wan ba ar kan ioh khun ka song pisa k ba long 3 lakh tyngka.
