Shillong, Jymmang 14: Ka National People Party, hadien ba ka sorkar jylla kala thaw ia ka All Party Committee (APC) ban iathir halor ka lynti rel sa shisien kala kyntu ia baroh ki seng sain pyrhei ban wan ia shim bynta ban ai jingmut lang halor kane ka mat.
Kum ban shu kdew ki don ar tylli ki seng sain pyrthei kiba la kyntait ban leit ia shim bynta ha katei ka jingialang jong ka APC bad kine ki party ki kynthup ia ka VPP bad ka Congress.
Haba kren sha ki lad pathai khubor u nongai ktien jong ka National People Party u Bah Himalaya M Shangpliang u la ong ba ka sorkar hapoh ka jingialam u Conrad K Sangma kum u Myntri Rangbah ka jylla u la thaw ia ka All Party Committee ban ioh ia kren halor ka jingwanrah ia ka lynti rel hapoh ka ri lum Khasi Jaintia.
U Bah Shangpliang u la ong, La ai ka notis sha baroh ki seng sain pyrthei ka jylla bad la pyntip ruh sha ki bad la buh ruh ia ka tarik hynrei ym shym la ioh ia ka jubab ba tikna na ki katto katne ki seng sain pyrthei.
U tei u nongialam ka NPP u la ong ba kane kadei ka sienjam ba donkam eh na ka liang jong ka party NPP, bad kumba long ki nongialam jong ki paidbah ngi dei ban sngewthuh bha ia ka jingmyntoi jong ka lynti rel.
“Lada ka jylla kum ka Mizoram ka lah ban sngewthuh ia ka jingdonkam jong ka lynti rel bad mynta ka Mizoram kala pdiang ia ka lynti rel bad ka jingshna kala iaid shaid shaid bad lehsa kan long satang ka Meghalaya, ka jylla hapoh ka thain shatei lam mih ngi ban ym don iaka lynti rel” ong u Bah Shangpliang.
U la ong ba ka party kam kut tang ha ki seng sain hima sima bad na kane ka Political Committee kan ai jingmut ia ka sorkar ba dang don shuh shuh biang ki bad kiwei kiwei ki nongdon bynta lang kum ki khlieh nongsynshar, ki Syiem ki sordar bad kiwei kiwei ba kynthuplang ruh iaki seng bhalang kum ka KSU, FKJGP bad kiwei kiwei de ki seng.
