Shillong, Risaw 05: Ka National People Party (NPP) kan lah ban nym pyneng kyrtong MDC ha kane ka election shiteng samoi sha ka Khasi Hills Autonomous District Council (KHADC) bad sha ka Jaintia Hills Autonomous District Council (JHADC) hynrei kin pynleit jingmut n aka bynta ka election sha ka iing dorbar thawain ka jylla ka ban long ha sdang snem jong u 2018.
Ki thymmei khubor ki iathuh ba kum ka party ka lah ban ai ka jingkyrshan ia ki kyrtong jong ka seng UDP ha kano kano ka MDC constituency kaba katei ka seng ka pynieng kyrtong ha ki 6 tylli ki MDC Constituency ha KHADC bad kawei ha JHADC. Kane ka long katkum ka jingpynsngew jong ki katto katne ki nongialam jong ka NPP.
Kane ka jingbym buh kyrtong ka NPP ka long ba ka UDP, ka NPP bad ka BJP ki lah ban don ka jingiatreilang ha ka election sha ka iing dorbar thawain ka jylla ha u snem 2018, ka kine ki lai tylli ki party kin ia ai ka jingkyrshan ia ki kyrtong ha ki jaka ba lada kim buh kyrtong la ka dei ka BJP ne ka UDP.
