Shillong, Naitung, 01: Ka Ophis jong District Sports Officer, East Khasi Hill District ha ka jingiatreilang bad Ka Meghalaya Judo Association (MJA kin pynlong ia Ka District Level Sports Competition ha Judo naduh ka 16 tarik haduh 18 tarik U ‘Naitung 2014 ha Indoor Sports Hall JN Sports Complex Polo Ground. Ka phom ban ia shim bynta (entry form) na ka bynta kane Ka East Khasi Hills Under-19 Open Judo Championship 2014 (Boys & Girls) lah ban wan shim naduh 7 tarik ‘Naitung 2014 na Ophis DSO Polo Shillong ha ka por long trei ne na Dojo (Judo Hall) bad ka tarik ba khadduh ban pdiang ia ki phom kan long ha lane shwa 14 tarik “Naitung 2014.
Na ka bynta kiba dang thymmai lane kito kiba ju ialehkai martial arts ki lah ban wan ia shim bynta ha ka “Demo Judo Camp” yn pynbeit da ka Meghalaya Judo Association naduh 10tarik haduh 12 tarik ‘Naitung ha Judo Hall Polo Ground (6-8 mynstep & 4-6 janmiet). Kino kino kiba kwah ban ia shi bynta ki lah ruh ban phone ha kine ki mobile no. 9863043125, 9863060576, 8794640973, 8014485397.
Ha kajuh ka por, U Bah Larry P Warjri, President MJA bad Vice President Judo Federation of India (JFI) la jied da ka JFI ban long kum U Nongkhmih Pyrman (Observer) halor ka jingiaid beit ka Annual General Meeting (AGM) jong ka All Assam Judo Association (AAJA) bad ban pyniaid ia ka Elekshon jied nongkitkam thymmai ka AAJA ha ka 5 tarik ‘Naitung ha Guwahati.(SP News)
