Shillong, Lber 04: ka seng sain pyrthei Aam Aadmi Party kala rai ban pyniakhun ia ka MP elelction na kane ka jylla Meghalaya na baroh ar tylli ki seat. La buh ia ka tarik kaba khotduh kiba kwah ban ia khun ia kane ka election ki lah ban phah ia ka kyrteng jong ki ha lane shuwa ka 25 tarik mynta u bnai.
Ia kane ka rai la shim ha ka jingiakynduh jong ki nongialam kane ka party kiba na kane ka jylla Meghalaya bad u nongialam kane ka seng u Arvind Kajarewal ha iing sah jong u ha Tilok Lane,New Delhi ha ka jingiadon lang kiwei ki nongialam seng sain pyrthei.
Ia kane ka kynhun na kane ka jylla Meghalaya la ialam da u Bah Amos S Kharshiïng bad u Bah Ambroseous Lyngdoh. La bthah ia ki nongialam jong kane ka jylla ba kin phah ia ka kyrteng jong ki kyrtong sha Delhi kiba kwah ban ia khun ia ka MP election ki lah ban phone ha une u number 9862041663,a la ong u Bah Lyngdoh.(SP News)
