Shillong, Naitung 01: Mynta ka sngi ka party Congress kala pynlong ia ka jingialang, ha kaba la don lang ka seng kynthei, ki seng samla bad ki nongialam ka party ha kaba kila shim ia ka rai ban pynkup burom ia u Saleng A Sangma MP ka 2-Tura ha ka sngi Saitjain ban wan ha State Central Library Shillong.
U Bah PN Syiem nongialam ka seng Congress la pyntip ba ia kane ka rai la shim ha ka jingialang kaba la long mynta ka sngi ba kum ka party kan pynkup burom ia u MP ka party ba dang shujop na Tura.
Kum ka party kala sngew dei ba da kane ka jingjop kala kyntiew ia ka party ha ki lum Garo, kane ka kren shai ba ki paidbah ka Garo Hills ki don ka jingshah niah ha ka party Congress kaba la juh ialam ki ha bun bun phew snem.
U Bah PN Syiem u la ong ba kum ka party ka khot sngew bha ia baroh ki nongtrei ka party naduh ki nongkit kam ka MPCC, ki DCC, ki BCC baroh ki nongtrei jong ka party ba kin ia pynlait por ban ia poi ha katei a sngi ba ka party kan pyndon burom ia u MP ka party.
