Shillong, Naitung 21: U President jong ka party HSPDP u bah K P Pangniang u la kren shai ba ka party ka pyrshah ia ka jingwan la lynti rel ha ki lum Khasi Jaintia la ka dei ka rel kit briew ne ka rel kit mar katba yn pat don ia ki ain ban iada na ka jingwan rung kyrthep ki briew kiba na shabar.
Haba jubab ia ki jingkylli jong ki lat pathi khubor la ong ba, lada kam pat don ia ka ain ban iada la ka dei ka Inner Line Permit ne da kano kano ka ain ruh kam lei lei tang ba ka dei ban iada na ka jingwan rung ki briew kiba na bar, lada ym pat don ain wat ia kren lynti rel, kane kala shai bha kaei ka party ka don ban ong.
U president ka party u la ong ba ia kane ka bynta ka party kala don ha ka kulr elekshon ban nym shah ia ka lynti rel lada kam pat don ka ain ban iada na ka jingwan rung kyrthep ki briew kiba na bar sha kane ka jylla.
