Shillong, Jymmang 26: U Bah Emlang Lytan working president jong ka party People Democratic Front (PDF) u Bah Emlang Lytan, u la ong ba “ kim don kam ia ka jingithuh jong u Dr Donkupar Ray, ki don kam ia ka jingithuh u paidbah”.
Haba kren ha u SP News Agency, u Bah Lytan, u la ong ba ka long kaei kaei kaba sngewsih ban iohi ba katka kyrdan jongu Dr Donkupar u ba la long MLA katta snem, u ba la long myntri rangbah ha ka jylla ba un kren ia kum kitei ki jingkynthoh.
U tei u nongialam jong ka PDF, u la ong ba u Dr Roy u hap ban da pyrkhat haba kren ei ei, hato u Bah Pynshngianlang Syiem u dei u president jong ka PDF, haba tang u dkhot jong ka PDF ruh ym dei, haba kren dei ban da tip, ka long ka jinglehrain.
U Bah Lytan u la ong ba um kwah ban kynthoh kylla ei ei ruh em, hynrei u kwah ban ai tang ka jingkit bok ia katei ka kynhun ia treilang, ka UDP bad ka HSPDP ba kin ianeh haduh kaba kut, kim dei ban ia kup shatrilang tang ha por ba slap da la rang pat kin ia pra.
Ki paidbah ki tip ia kaei kaba la jia baroh, ym nym don shuh mano mano ban dang lah ban pynbiej ia ki paidbah, kumba la leh ha ki por kiba la leit ban shu ia pynbiej tang da la jan ka elelction, u Bah Lytan u ban biang da kaba ong “ Nga kitbok ba kin ianeh skhem ha ka kynhun”.
