Shillong, Jylliew 7: Ka ophis jong ka Sankur-Rikynti Khain Nonglang bad ka Mawkyrwat Hat ryngkat ka jingiatreilang bad ka ophis jong ka Deputy Commissioner kaba dei ruh ka Chairman, Block Development Unit, Mawkyrwat mynta ka sngi kila pynlong ia ka jinghikai paidbah kumno ban long kiba leh khuid da kaba pynlong ia ka jingpynkhuid ia ka iew Mawkyrwat.
Haba kren ha kane ka jingialang shuwa ban sdang ia ka jingpynkhuid ia ka iew ka long Ripnar Lyngdoh Deputy Commissioner jong ka South West Khasi Hills District kala ai ka jingiaroh ia baroh kiba la shim khia ban pynlong ia ka jingpynkhuid ia ka iew kum shi bynta ban rakhe ia ka jingpynneh ia ka mariang. Kala ong ba ka pyrthei hi baroh kawei ka sngew khia jur ia kane ka jingkylla jong ka mariang.
Kiwei kiba la kren ha kane ka sngi ki long u Bah H. S. Diengdoh, Additional Deputy Commissioner cum Myntri Shnong Mawkyrwat, u Bah W. Syiemlieh, SDO, PHE (on Solid Waste Management), Dr. B Shallam, State Council Science Technology Environment (SCSTE), u Bah Y. G. Lyngdoh, Member Sankur-Rikynti Khain Nonglang & Mawkyrwat Hat (SNR&MH) bad u Bah S. Marwein, President ka Mawkyrwat Market Traders Association.
