Shillong, Nailar 24: U Conrad K Sangma , MP jong ka NPP, u la ong ba ka rai jong ka iing bishar ba don burom jong ka Meghalaya High Court ban pynkut noh ia kane ka jingujor PIL, halor ka jingkynnoh bam armaloi ka long thik kumba ai shithap ia kane ka sorkar jong u Dr Mukul Sangma bad ia ka sorkar baroh kawei, kumjuh ia ki ophisar.
U Conrad u ong ba kane ka jingjia baroh u I kumba ka don ka jingshun shimet bad ia kum kane dei ban pynduh ha ka sian pyrthei namar ka ktah ia ka roi ka par jong ka jylla, u la ong ba ha kane ka bynta leh se ki ophisar ki tip eh ia ka ain hynrei ioh leh se ki hap ban leh wat la ki la iohi ba ka don ka jingbakla.
Haba ia dei bad ka bai bam jong ki khynnah skul kane ka jylla, na ka liang jong ka sorkar pdeng kala dep phah lut ia ka pisa sha ka sorkar jylla, bad u buh ka jingkylli kane ka pisa sha ei ka don mynta, ka sorkar ka dei ban siew noh ia ki khynnah pule.
La ong ba na ka liang jong ka tand Tribal affair jong ka sorkar pdeng kala kren shai ba ka sorkar jylla kam shym la ai ia ka Utilization Certificate, bad la da ka sorkar jylla kam ai ia ka UC n aka bynta jong u snem 2016-2016, ka sorkar pdeng kan nym pynlait ia ka pisa na ka bynta jong u snem 2016-2017.
U la ong ba kane ka long tang ka dak kaba rit eh, leh se kane kan long ruh ha kiwei ki department jong ka sorkar jylla, kum u MP un dang iai but dien ia kine kiei kiei khangba ka jylla kan nym kynduh jingeh. Halor ka pisa T.260 klur kaba la mang na ka bynta ki District Council ka sorkar jylla kala bat kai ia kane ka pisa haduh mynta. Kan long ka jingduh kaba khraw ia ka jylla bad lada ym lah ban ai UC ia kane ka pisa ha u bnai Risaw ki lai tylli ki District Council ha u snem 2016-2017 kin nym ioh shuh ia kane ka pisa na ka sorkar pdeng.
Haba ia dei bad ka party , ka seng NPP mynta ka sngi ha ka jylla Meghalaya kala dap saw snem bad kum ka jingrakhe ia kane ka jingdap saw snem ka seng kala leit ban jngoh ia kylleng ki jaka ha kane ka jylla ban sngewthuh ia ki jingeh jong ki paidbah bad khamtam eh ha Jaintia Hills ba kumno kala ktah ia ki briew hadien ka jingkhang tih dewiong.
Ka seng kala pynskhem ruh ia ki lai tylli ki Block committee ha Jaintia Hills bad kita ki long ka Amalarem, Mukaiaw bad Nartiang. Ka seng kala dang pynkhlain shuh shuh ia ka party da kaba pynrung ruh ia ki paidbah ba kin longki dkhot jong kane ka party. Ha kane ka sngi la don lang ruh u president jong ka Meghalaya state Unit u Dr WR Kharlukhi.
