New Delhi, Risaw 14: U myntri korbar ri jong ka Ri India u Rajnath Singh , u la ong ba ki kam lehnoh kim don kano kano ka niam, hynrei ki don kato kane ki briew pat kiba pdiang ia kane, na ka liang jong u myntri korbar ri u la ong ba “ Ka Ri India ka long kum ka skulbuh ba hikai ia ka jingiaishah”. U la ong ba ia ka jingiapher jingmut kan don beit hynrei lah ban ia pynbeit da kaba wan sha ka miej jingiakren yn ban rah da ka ktang suloi.
U Myntri korbar ri u la kren ia kane, ha kaba u la ai jingkren ha ka jingialang jong ki nongialam niam khristan mynta ka sngi ia kaba la tip kum ka ‘National Christian Leaders Conference’ (NCLC) ha ka nongbah Delhi. Ha kane ka jingkren jong u la kdew ba ki don ki Ri kiba la pynlong ia ki kam lehnoh kum kawei na ki polisi jong ka Ri, kane ka long kaei kaei kaba sngewsih u la la ong.
Ha kane ka jingkren sha ki nongialam niam khristan, u myntri kam poh iing u la ong ba ka Ri India ka dei ka ri kaba khlem is shah niam, ka dei ka ri laitluid jong baroh ki jaid niam, bad lada phai sha ki mynnor ka Ri India kadei ka jaka lum lang ia baroh ki jaid niam kiba heh ha kane ka sla pyrthei.
Ka sorkar pdeng kam peitngor bha sha kito briew kiba thmu ban pynphriang ia ka khubor lamler, kum ka ri kan bat ia ki kyndon jong ka ain u la ban biang.
