Shillong, Jylliew 10: Ka jingrakhe kaba shitaiew lynter ban pynneh pynsah ia ka mariang hapoh jong ka South West Khasi Hills la pynkut mynta ka sngi ia kaba la pynlong da ka Basin Environment ryngkat ka District Legal Services Authority jong kane ka District ha kaba u Deputy Chief Minister u Bah Rowell Lyngdoh Marshillong u la long u kong san ha kane ka sngi.
Haba kren ha kane ka sngi u bah Rowell u la ong ba “ dei ma ngi ba pynjot ia ka mariang, ngti dei ban pynneh pynsah ia ki khlaw na ka bynta ban im ma ngi u khun bynriew”. Ha kane ka sngi u la ban jur ruh ia ka jingle khuid bad kumba la buh thong da u myntri rangbah duh jong ka Ri U Narendra Madi lyngba ka Swachh Bharat Mission, lada kum kine ki jingpynshai paidbah ki long ha man ka por bad thung ia ki dieng ka Indian kan nym ngat ha ka jingshah lynshop ha ka mariang kumba la kren da ki saiantis. Ha kane ka sngi u la sam ruh sha ki nongjop jong ki jingiakop ba bun rukom.
Ka kong Ripanr Lyngdoh kaba dei ka Deputy Commisioner jong ka SWKH District kala ban jur ba dei ban pynneh pynsah ia ka mariang, kala ong ba ka mariang kala ai kyrkhai ki jingdon jingem ha kane ka pyrthei ka dei ha u khun bynriew ban pyndon kam ia ki khlem da pynjot ia ka meiramew, kala pynkut ia ka jingkren jong ka da kaba sot na ka jingkren jong u kpa ka jaid bynriew u Mahatma Gandhi, ha kaba u la ong “ Ka pyrthei kan pynbiang ia ka jingdon kam jong ki briew, hynrei kan lah ban pynhun ia ka jingkhwan la lot jong u khun bynriew”
