Shillong, Jymmang 06: Ka ophis jong Executive Director State Disaster Management Authority, Meghalaya, Shillong mynta ka sngi kala ai jingkhien ba ka jingkhi ka eriong ha ka sngi u blei 5/5/2025 kala sah ktah ia 29 tylli ki shnong ha kylleng ka jylla Meghalaya, 483 tylli ki iing kiba la shah pynjot bad ki briew kiba la shah ktah 949 ngut.
Katkum ka jingkhein kaba la ai ka long, kaba hap hapoh ka Mawyngkeng Block kawei ka shnogn bad ki iing 21 tylli, Mawkynrew Block kawei ka shnong bad ka 1ka iing, Mawphlang Block kawei ka shnogn 3 tylli ki iing kine ki hap hapoh jong ka East Khasi Hills District.
Ha West Khasi Hills District hapoh ka Nongtroin Block ki iing kiba la shah pynjot ki long 52 tylli ki iing bad mynta ka jingjurip ka dang iaid ban lap shuh shuh lada don kiba shah pynjot, na ka daw jong ka eriong bad hap phria, kaba hap hapoh jong ka Mawsynrut Blok ki don 11 tylli ki iing kiba la shah pynjot.
Hapoh jong ka Eastern West Khasi Hills District, kiba hap hapoh jong ka Mairang Block ki shnong kiba la shah ktah ki long 14 tylli bad ki iig kiba la shah pynjot 69 tylli bad 2 tylli ki iing skul kila shah pynjot bad 50 hakter ki jaka rep.
Ha West Jaintia Hills ki shnong kiba la shah ktah ki long kib hap hapoh ka Thadlaskein Block ki don2 tylli ki shnong bad ki iing 4 tylli, ha Amlarem Block kawei ka shnong bad kawei ka iing, ha East Jaintia Hills District, hapoh ka Wapung Block la shah ktah ka 1 ka shnong 2 tylli ki iing bad kawei ka iing mane, kiba la shah pynjot bad ha Saipung kawei ka shnong kawei ka iing,
Ha South Garo Hills kiba hap hapoh jong k Baghmara Block kiba la shah ktah ki long 281 tylli ki iing ia ki shnong dang wat jingkhein, ha Chokpot 10 tylli ki iing, katba ka South West Khasi Hills District kiba hap hapoh jong ka Mawkyrwat Block ki iing kiba la shah pynjot 26 tylli ki iing.
Na ka liang jong ka State Disasters Management kala bthah ia baroh ki Deputy Commissioner jong ki District ha ka jylla ba kin pynpoi ia ki jingiarap sha baroh kita ki long iing kiba shah pynjot ha kane ka beh ka eriong bad hap phria.
