Shillong, Risaw 11: Ka Raid Tuber Elaka Demand Committee (RTEDC) kala dep ban khot ia ka jingialang ha Tuberkmai shnong kaba hap hapoh jong ka East Jaintia Hills District hapoh ka jingialam jong u Bah Helping Phawa kum u Chairman u ba dei ruh u MDC ba rim jong kane ka thain ba ka Raid Tuber kala don kam ban ioh noh la ka jong ka Elaka da kaba phiah noh na ka Jowai Elaka.
Ha kane ka jingialang kaba la long dangshen, la wan ban ia shim bynta da ki lamphrang, ki Waheh shnong , ki secretary shnong na ki 27 tylli ki shong kiba hap hapoh jong ka Raid Tuber kiba dei hapoh jong ka Elaka Jowai, ha kane ka jingialang la shim ia ka rai ban iaid sha khmat ha kane ka jingdawa ban ioh ia ka Elaka Tuber.
Ka jingialang kala shim ia ka rai ba ha kitei ki 27 tylli ki dorbar shnong ba kin khot ia ka dorbar ban shim ia ka rai bad ia kane ka rai kaba ki shim ha ka dorbar kin phah sha ka RTEDC, khnang b a kin dup lah ban phah sha ka JHADC ban dawa ban ioh la ka jong ka Elaka Tuber.
Ka kane ka jingiaid lynti ban dawa la ka jong ka Elaka Tuber ka long ba ka Elaka Jowai kala heh haduh katta katta bad ka long kaba eh ban peit ia ka synshar khaddar ha ki shnong ki thaw, bad kane ka jingdawa ban thaw Elaka thymmai ka long katkum ka Jaintia Hills Autonomous District ( Established of Elaka Village and Election, Appointment, Powers, Function, and jurisdiction of Doloi/Sirdar and Waheh Shong Act) 2015.(SP News)
