Shillong, Iaiong 11: Ki pulit jong ka East KHasi Hills kila register ia kawei ka jingjia ba sngewsih ha kaba la suba ba kane ka khynnah samla kala pyniap ia lade hapoh iing ba ka sah kaba hap hapoh jong ka jingpeit ka Diengpasoh PHC.
Na ka liang jong kiba ha iing ha sem kila lap ia ka met iap jong kane ka khynnah samla na ka iing ba ka sah bad kala don ka jingsuba ba kane ka kala pyniap ia lade bad kiba ha iing ha sem kila tep ia ka met jong ka khlem da pyntip sha ki pulit.
Ha kawei pat ka liang na ka liang jong u Doctor ba dei peit ia ka Diengpasoh PHC, u la ong ba kane ka khynnah samla kaba iap kala leit mih sha u doctor ban kyrpad ba ka kwah ban pynhap khun. Halor kane ka jingjia na ka liang jong ki pulit mynta kila pynlong ia ka jingtohkit ban lap ia ka daw jong ka jingiap kane ka khynnah.
