Shillong, Rymphang 07: Ka seng khasi Swer jong ka hima Sohra kan pynlong ia ka seng Kyrsiew ha ka 12 tarik mynta u bnai ha shnong Swer, ha madan seng khasi kaba khot madan Lumawbah swer.
Na ka liang jong ka seng kala kyrpad ia ki parakur bapra kha na kylleng jong ka RI Khasi ban ia poi ha kane ka sngi bad la kyntu ba kin iawer lem ia ki wei ruh ban ia poi ha kane ka sngi, bad ka phang pdeng jong kane ka jingiakren kan long ka jingsneng jingkhraw halor ka deity bad tynrai ka jaidbynriew khasi.
Ha kane ka sngi kin don ki riew rangbah ki ban ai ia ka jingkren halor katei ka phang bad kum ka seng ka da khot da wer ia baroh kiba na jan bad na jngai ba kin ia poi lang ha kane ka sngi, kane ka long katkum ka kyrwoh kaba la phah da u Bah Soldron Nongrum General Secretary jong ka Seng Khasi Swer
