Shillong, Iaiong 16: Ha ka jingpynlait khubor mynta ka sngi u publicity secretary jong ka seng lehnoh HNLC u bah Sainkupar Nongtraw u la ong ba ka seng ka pynrem jur ia ka jingshah ban bein ki briew ha ki thain Langpih, Block I bad Block II ha ki Nepali ki bym dei ki nong India kiba shong ba shah ha kitei ki thain da kaba leh don bor ban knieh ia ki jaka puta.
Ka tei ka seng lehnoh ka kynnoh ba ka sorkar Assam ka ai jingkyrshan ia kine ki briew, ka seng lehnoh HNLC kala iohi bun sien ia ka jingshah ban bein jong ki briew kane ka jylla, dei na kane ka daw ba ka seng kam ban se ban ong ia ki Nepali ki bym dei ki nong India ba ki dei ban mih noh mardor.
La ong ba ka seng HNLC kala ioh ia ka jingujor na ki briew kiba don ha Block I bad Block II ba kila shah ban bein ha ki lehnoh jong ka Karbi Anglong na ka liang jong ka seng HNLC ka ong ba kim dei ban wan tuklar sha kane ka jylla Meghalaya ki dei ban tular ha Assam namar ka jingeh jong ki ka dei bad ka sorkar Assam.
Ka seng HNLC ka kynnoh ba ka tand pulit jong ka jylla ka leh matlah ia kaei kaba la jia ia ki briew ha ki thain khappud bad kumba ka long mynta ka long kumba ka khlem trei kam. Na ka liang jogn ka sorkar ruh ka la shim stieng sha ba palat ha kaba ia dei bad ka jingpynbeit ia u pud u sam ha duh mynta, kane ka long katkum ka khubor kaba la pynlait da u Sainkupar Nongtraw publicity secretary jong ka seng HNLC.(SP News)
