Assam, Naitung, 02: Ka National Rainfed Area Authority (NRAA), kaba hap hapoh ka Ministry of Agriculture bad Farmers Welfare, kala ioh iaka sienjam ba kongsan ha kaban rep kba ha ri India lyngba ka skhim ba la tip kum ka “ka jingda bad ka jingsumar iaki jingthung ha ka jaka kaba ki mih hi dalade ha distrik jong ka Sonitpur ba hap ha Assam”.
La sdang ia katei ka skhim naduh u snem 2022 da ka ICAR–National Bureau of Plant Genetic Resources (ICAR-NBPGR), New Delhi, ha ka jingiatreilang bad ka Assam State Biodiversity Board.
La don ka kynhun jong ki stad saian na ICAR-NBPGR kynthup ia u Dr. Chandra Shekhar Kumar, IAS, Chief Executive Officer ka NRAA bad la pynshai ia u shaphang kane ka projek ba jop ha ka jingpyni iaka, ka jingda bad jingbatai bniah ia u tynrai jong une kba khlaw.
Katei ka kynhun ka la pyntip ba ka jaka jong ka Borjuli ha distrik Sonitpur jong ka Assam, kaba la ithuh hapoh kane ka projek, la ju tip kum ka jaka ba la peit da ka National Biodiversity Authority.
Ia katei ka jingithuh, la tip kum ka jinglum bad ka jingda ia u kba khlaw ba bun jait jong ka Ri India bad ka pynkhlain iaka rep ka riang kaba iada na ka jingkylla ka suin bneng.
Da kaba pynpaw ka jingsngewnguh bad pdiang burom ia ka jingtrei shitom jong ka kynhun wad bniah, u Dr. Chandra Shekhar Kumar u la ong ba ki jait rymbai kba-khlaw ki dei ki thymmei ba kordor tam ban pynmih iaki jait kba kiba lah ban iada ialade pyrshah iaka jingkylla ka mariang, kiba kynrei ka jingioh bad kiba khambha ha ka liang ka jingioh bor met.
U la kyntu jur ia ka jingdonkam ban pynurlong iaki lad jingiada kiba kum kine sha kiwei pat ki jait jingthung hapoh ka ri ban pynkhlain iaka bor iada, ka jinglong kynthum slem bad ka jingioh jingbam kaba skhem la ka jong jong ka rep ka riang ha India.
La pynlong ia kane ka jingialang da u Dr. Pankaj Kumar Shah, Director, NRAA bad Dr. Anil Kumar Mishra, Technical Expert, NRAA.
