Shillong, naitung 22: Ka seng Poor People Movement (PPM) ha ka jingialang paidbah kaba la long mynta ka sngi ha Jaiaw Stand Taxi, ka ong ba ka sorkar jylla ka dei ban pyntrei kam noh ia ka rai jong ka Supreme Court kaba la ai ha u snem 2006 kaba ong ba ia ki long kmie kiba ioh ia u bym dei traibal ia ki khun jong ki umdei shuh ban ithuh kum ki tribal lane kita ki schedule tribe.
Ha kane ka jingialang paidbah kaba la wan ban ia shim bynta da ka seng HYC, HANM, HUAM bad u MDC jong ka Jaiaw ban pynshai paidbah halor kane ka shong kha khleh, ka jingthmu jong kane ka jingialang paidbah ka long ban pynshai halor ka jingma kaba mih na kane ka shong kha khleh bad kiwei ki jaidbynriew.
U MDC jong ka Jaiaw haba kren ha kane ka jingialang paidbah u la ong ba kane ka long ka jingma ia ka jaidbynriew lada kane ka jingiashong kha khleh kan dang iaid bteng, U bah Luis president ka seng u la ong ba ha kine ki sngi ki kynthei khasi kim juh nang shuh ban burom ia ki kpa ka iing ka sem.
