Shillong, Rymphang 06: Ha ka sien kaba nyngkong ba ka Central Silk Board (CSB) kala pynlong ia ka Mini Resham Krishi Mela ha kane ka jylla Meghalaya mynta ka sngi na ka bynta ki nongrep kiba ri ia ki khniang Rynia ia kane ka Mela la pyn long ha Lawsohtun research Extension centre na ka bynta ki nongrep kane ka lum khasi bad Jaintia.
U Bah Ricky Shullai MDC jong ka Laban haba kren plie ha kane ka Mela u la ong ba, ym da don than ka jingtip ha kaba ia dei bad kane ka kam, hynrei kaei kaba u sngewthuh ka long ba ka CSB ka ai jingkyrshan ia ki nongrep kiba pynmih ia ki ksai thain jain. Kaei kaba ki nongrep ki leh ha kane ka kam ka long ha ki lai bynta, Ban thung ia ki dieng ban pynmih ia ki sla ban ai bam ia ki khniang Ryndia bad kaba lai ka long ba ki pynmih ia ki jain.
U Bah Shullai u la kyntu ia ki nongrep ba kin shim khia ia kane ka kam namar ka ai jingmyntoi shi katdei eh ia kito kiba trei ia kane ka kam, u la ai ka jingiaroh ia ka CSB kaba la ai jingkyrshan ia ki nongrep ha kane ka bynta da ka jingai jinghikai ia ki ba kumno kin lah ban sdang ia kane ka kam ri khniang.
Haka jingkren jong ka Director jong ka Central Silk Board kaba dei pit ia ki jylla sha ki thain mi ngi jong ka Ri India, kala ban jur ban ialeh kumno ban pynkiew ia kaneka jingpynmih ia ki ksai Rusom, Muga bad Ryndia shaka 60 kilo la kumno kumno.
Kala ong ba ka sorkar Meghalaya ka dei ban thoh sha u Chairman jong ka CSB ban thied ia ki Automatic Railing Machines (ARM) ha kaba ka CSB lyngba jong ka sorkar pdeng kan ai jingiarap haduh hynniewphew san percent bad ka sorkar ka dei ban siew tang 25% ban san sha ki nongri khniang ha ki shnong, ia kane ka la ong ha kaba u Director jong ka tnad pynmih khniang Ryndia jong ka sorkar Meghalaya ruh ula ia don lang.
Ka Direictor jong ka CSB ka la ong ba kane ka dei ka sien kaba nyngkong ba kala wan sha kane ka jylla hynrei ka lap ba ki briew jong kane ka jylla kila don lypa ka sap ha ki ban thain jain, bad kaei kaba don kam mynta ka long ba ka sorkar ka dei ban wan sha khmat ban kyrshan ia ki ban dup lah ban pynmih ia ki jain kiba bha da kaba pyndon kam ia ki mashim kiba katkum kane ka juk kaba mynta ha kaba ka sorkar pdeng kan bei haduh 75%.
Ha kane ka sngi la sam ruh ia ki khusnam sha ki saw ngut ki nogrep kiba la leh bha ia kane ka kam bad kila lah ban pynneh shuh shuh ia ka kam ri khniang bad kine ki saw ngut ki long ka kong Blossom Nongrum, kong Emai Pyrtuh kine kid ei na Jaintia Hills District, ka kong Bitalion Nongneng bad u Bah Wankmen Thabah na Khasi Hills, ki nongrep kiba la poi ban ia shim bynta ha kane ka Mela ki long kumba 50 ngut ei ei.
