Shillong, Rymphang 09: Ha dien ba ka seng lehnoh Hynniewtrep National Liberation Council (HNLC) kala pynmih ia ka jingkwah iakren ia suk khlem da buh kano kano ka kyndon, u mytnri rangbah ka jylla mynta ka sngi lyngba ka twitter u la pynpaw ba ka sorkar ka dang ap ia ka jignthoh na ka seng ban pyniaid ia ka jingiakren ia suk sha khmat.
Lyngba ka twitter u myntri rangbah ka jylla u Cornad K Sangma u la ong ba ka sorkar ka pdiang sngewbha ia ka jingtyrwa ka seng lehnoh HNLC ia ka jingiakren ia suk kaba khlem buh kyndon.
Na ka liang jong ka sorkar kala sdang ban wat ia u ksiang bad ha ka juh ka por ka sorkar ka dang ap ruh ia ka jingthoh na ka seng HNLC ha kaba ia dei bad kane ka jingturwa ia kren ia suk.
Ha kine ki sngi ka seng HNLC lyngba u bah Sainkupar Nongtraw general secretary jong ka seng la pynpaw ia ka jingkloi ka seng ban ia kren ia suk khlem da don kano kano ka kyndon ban ia kren ia suk.
