Shillong, Jylliew 13: U president jong ka NPP u Conrad K Sangma u la ong ba ka sorkar ka dei ban khot ia kren ia baroh ki seng lehnoh kiba kwah ban wan sha ka miej jingiakren ia suk, kyntup ruh ia ka seng HNLC, ka seng NPP ka kwah ban don ka jingiakren ia suk bad ki seng lehnoh.
Na ka liang jong ka seng NPP ka kyntu ia ka sorkar jylla bad ia ka sorkar pdeng ba ka dei ban khot ia kren ia ki seng lehnoh sha ka jingiakren ia suk na kabynta ka jingsuk ha ka jylla, la ong u Conrad.
Haba phai sha ka jinglong jingman ka shong suk shong sain ha Ri Lum Garo na ka liang jong ka NPP ka pynpaw ia ka jingsngewkmen ban iohi ba ki seng lehnoh kila wan sha khmat ban pyndem ha khmat ka sorkar.
Na ka liang jong ka seng ka kyntu ia ka sorkar ba ka dei ban ai ka jingiarap ka biang ia ki dkhot jong ki seng lehnoh kiba la wan ban pyndem ha khmat jong ka sorkar, ka sorkar ka dei ban shim khia bha ia kane ba ioh ka kyrtoh kylla.
