Shillong, Nohprah 08: Ka jingpynbna jong u Dr Mukul Sangma myntri rangbah ka jylla ban pynkiew tulop ia ki nonghikai adhok ha ki Higher Secondary Scholl bad secondary School kala pynbitar ia ki nonghikai kiba hikai ha ki Lower Primary bad Upper Primary School ba blei ki ruh kim ioh ka juh ka hok na ka sorkar.
Kat kum ki thymmei khubor kiba la wad jingtip da u SP News Agency ha kaba ia dei bad ki nonghikai LP School bad UP School, na ka liang jong ki nonghikai kila dep ban leit ia kynduh ia u Commissioner Secretary jong ka tnad pule puthi jong ka sorkar jylla ban kyntu ia ka sorkar ba ka dei ban ai ka juh ka jingthew ha kaba ia dei bad ki nonghikai hala ka jong ka jong ka kyrdan.
Kumba ka long ka sorkar kala pynkiew ia ki nonghikai ha ki SS School na ka T.10000/- sha ka T.20000/- bad ia ki HSS School na ka T.12000/- sha ka T.24000/-, katba ki nonghikai kiba hikai ha ki LP School haduh mynta ki dang ioh tang T.6000/- bad kiba hikai ha ki UP School lo dang ioh tang T.8000/- tyngka.
Kine ki nonghikai adhok ha ki LP School bad UP School kila dawa na ka sorkar b aka dei ban pynkiew ia ki ruh 100 pc kumba ka leh ia ki nonghikai SS School bad HSS school, ka jingdawa ka ia ki nonghikai LP School kiba ioh T.6000/- tyngka ki dei ban ioh noh T.12000/- tyngka bad ia kiba T.8000/- tyngka ha ki UP School ki dei ban ioh noh T.16000/-.
Katkum ka jingiakren la ong ba na ka liang jong u Commissioner Secretary jong ka tand pule puthi jong ka sorkar jylla u la dep ban pynbiang ia ki kot ki sla ha kaba ia dei bad kane ka jingdawa jong ki nonghikai ha ki skul rit bad kaba sah mynta ka long b aka sorkar ka hap ban shim ia ka rai ban pynkiew ia ka tulop jong ki nonghikai LP bad UP school.
