The Meghalaya Main Secretariate . (Photo by Sanjib Bhattacharjee) .
Shillong, Jylliew 13:Hadien ba la wai ka jingialang ka kynhun myntri u bah Paul Lyngdoh u ba long u nongai ktien ka sorkar jylla u la pyntip ba la ioh ia ka kaiphod jong ka Reservation Policy ba la phah da ki dkhot ba la peit bniah ia kane ka bynta.
U bah Paul Lyngdoh u la iathuh ba ka sorkar jylla ka la shniah ia u Chief Secretary ka sorkar jylla bad ki ophisar ba rangbah ban peit bniah ia kane, ha kaba hadien ba la dep ka jingpeitbniah yn sa wanrah hapoh ingdorbar thaw ka jylla ka ban sa long ha u bnai Nailur jong u snem 2025.
U bah Paul Lyngdoh u la pynpaw ba ka kaiphod ka dei kaba bun sla bad rben bha, u bah Paul u la iathuh ba ia ka jingkynthoh lyngkot (summary) jong ka kaiphod la wanrah hapoh ka jingialang jong ka kynhun myntri.
Ka Expert Committee ba la khlieh da u Justice (Retired) Mool Chand Garg, ka dei kaba la thung da ka Sorkar Jylla ha ka 12 tarik Nailur 2023, ban shong bishar biang ia ka Reservation Policy ka Jylla hadien ka jingdawa ban pynkylla noh na kiba bun balang.
