Shillong, Naitung 01: Ka kynhun jong ki nongshna flim ka jylla kaba la tip kum ka Meghalaya Film Maker Association (MFMA) mynta ka sngi ka la rakhe ia ka jingdap 13 snem lane kum ka foundation day jong ka Association.
Ha kane ka sngi la wan ban long kum u kongsan da u Bah H.M Shangpliang u ba long kum u adviser ka Education Department ha ka sorkar jylla. Ia kane ka jingialang la pynlong ha Dorbar Hall mission compound, Shillong.
Ha kane ka sngi la wan ban shim bynta da ki bun ki nong shna bad ki nongpymih phlim rynkat bad ki ba don bynta ha ka kam ak phlim.
U bah Shangpliang haba ai jingkren ha katei ka jingialang u la ong, ka dei ka riti ka dustur kaba ngi pynpaw sha ka pyrthei baroh kawei bad dei lyngba ka jingshna phlim ka pyrthei ka tip ba ka jylla Meghalaya.
Ki phlim ki dei ban long kiba don iaki jait rukom kaba don riti dustur bad ka dei lyngba ka jing shna phlim ba pyni sha ka pyrthei ia ka jing don ki jaka jngohkai pyrtheibad dei lyngba jong ka ba yn sa lah ban kyntiew ia ka ka kam jngohkai.
Ha kane ka sngi haba kren kum u kongsan u bah Himalaya Shangpliang u la iathuh ba na ka liang ka sorkar ka la pynmang kumba 15 klur na ka bynta ki nongshna phlim ka jylla ha kane ka snem mang tyngka 2023-2024.
