Shillong, Naitung 08: U Myntri Rangbah ka jylla u Conrad K Sangma haba kren ha ka jingplie ia ka iing ba dang shudep shna thymmai ha phyllaw jong ka High Court Meghalaya la ong ba ka sorkar kala pynlut palat T.200/- klur tyngka haduh mynta ban pynbiang ia ki iing bisahar ha Meghalaya.
Haba kren ha kane ka jingplie ia ka iing bathymmai jong ka HCM kaba la shna ha ka jignlut kaba la kot sha ka T.45/- klur tyngka u myntri rangbah la pyntip paidbah na shnem ka sorkar kan sa sdang shna noh ia ka Secretariat sha Mawkasiang New Shillong Town ship.
Ha katei ka jaka ban shna ia ka Meghalaya Secretariat, ka sorkar kala mang ia ka jaka ban tei ia ka ‘Judicial Academy’ bad iaka National Law University, u myntri rangbah la ong ba ki dang don bun ki bynta kiba dang hap leh, kila pyrshang ban leh, hynrei dang bun ki kam hap ban pyndep.
U Myntri Rangbah ka jylla la ong ba ha ka por ba ki wan ha ka bor ha u snem 2018 u shem ban kyntiew ia ka jylla don kam ia ki jingtei kiba don kam, kum ki surok, ki jaka pule, ka koit ka khiah bad bun kiwei kiwei ki jingtei kiba don kam ban pyntyllun ia ki kam ban ktntiew ia ka jylla.
U Myntri Rangbah u la ong ba u ne ka lada ki don ha kano kano ka bynta kaba ki trei la dei ha ka kyrdan khraw na kaba rit ruh dei ban kynmaw baroh kaba ki trei dei na ka bynta jong ki paidbah ka jylla bad kum juh na ka bynta jong ki paidbah jong ka Ri.
Kiwei kiba la kren ha kane ka sngi ki long u Chief Justice ka High Court Meghalaya, u Justice Sanjib Banerjee, ha kaba u la ong ba la buh ia ka ‘Circuit Court’ ha Phulbari, ong ba ka jingbuh ia ka jaka bishar ha katei ka jaka ka long ba ha ki snem ban sa wan kane ka jaka kan long ka kadkhaii bad kan kyntiew ia ka ioh ka kot jong ka jylla ynda la dep ban shna ia ka jingkieng ban pyniasoh ia ka Assam bad Meghalaya ha Phulbari.
U pynkynmaw ba ka jylla Meghalaya kala shim ia ka rai ban pyniakhlad ia ka jingbishar bad na ki kam ophis dei ha Nailur 2020 katba ka Ri India kala sdang ia kane naduh u snem 1972 kaba dang shu ioh ia ka jylla bapura, u la pynsngew ba u la leit kylleng ka jylla ban peit ba ki iing bishar kiba la shna kin dep ha ka por kaba biang.
Ha kane ka sngi ka myntri ka tnad ain jong ka jylla ka Dr. Mazel Ampareen Lyngdoh ha ka jingkren jong kala ong ba ka sorkar kan dang iai bteng ban kyrshan ia ki iing bishar, la don lang u myntri ka tnad pule u Rakkam Marak, ia ka jingkren pdiang burom la kren da u Justice H.S Thangkhiew, ia ka jingkren ai khublei la kren da u Justice W Diengdoh, ha kane ka sngi la don lang ki nongbisahr na ki District Council bad ki heh sorkar, naduh u Chief Secretary ka jylla u bah DP Wahlang bad kiwei kiwei de.
