Shillong,Jylliew 05: Mynta ka sngi 05/Jylliew/2026 ka ophis jong u Commissioner For Person with Disability jong ka tnad Social Welfare Meghalaya da ka jingiatrei lang bad ka P.T. Deendayal Upadhhya Institute ka tnad ba dei peit ia kiba don jingduna ha ki dkhot met jong ka sorkar pdeng Social Justice and Empowerment kala pynlong ia ka pragramme ia ka jingai sngewbha ia ki kjat ba la shna ba la tip kum ka 3D Prosthetic bad Orthotic ha kane ka sngi la ai ia ki kjat sha ki 12 ngut ki briew kiba don jingduna ha ki dkhot met.
U Myntri ba dei peit ia ka tnad pynneh riti dustur u bah Sanbor Shullai u la ong ba ka jingpynlong ia kane ka jingai sngewbha sha ki nongioh ia kane ka jingiarap ka dei namar ka jingkut jingmut ka sorkar ba ia ki lad jingiarap dei ban pynpoi sha baroh bad na ka liang u myntri u la ai ka jingiaroh ia ka jinglah jong ka India Instalimb kaba la wanrah ia kine ki kor ki bor kiba thymmai.
U bah Sanbor ha kane ka jingialang kaba la long ha State Central Library Shillong u ai ka jingkhublei ia baroh kiba ioh ia kane ka jingiarap bad la pynkynmaw ba ki briew kiba don ia ka jingduna ha ki dkhot met ki ruh ki don ia kajuh ka hok kaba ki dei ban ioh bad ka sorkar Meghalaya kala shim ia baroh ki lad ki lynti ban ai ka jingkyrshan kum ka baibam na ka bynta kiba dang bteng ia ka jingpule bad ka sorkar ka dang ialeh kumno ban pynbha ia ka rukom im na ka bynta kiba don ia ka jingduna ha ka dkhot met.
