Shillong, Rymphang 15: U myntri rangbah ka jylla Meghalaya u Conrad K Sangma u la ong ba na ka liang jong ka sorkar Meghalaya kala shim khia ban ioh ban pynlait noh ia ki ar ngut ki briew kiba la kem da ki pulit jong ka jylla Assam na Umsawli na ka liang jong u Director General jong ki pulit ka jylla u la kren ia u Director General ki pulit jong ka jylla Assam.
Haba ia dei bad kane ka jingjia ha Umsawli, u myntri rangbah u la ong ba u la ioh ia ka jingtip ba kala don ka jingjia ha katei ka shnong, ka daw ka dei na ka jingtrei ban ring ia ki ksainar light hapoh katei ka shnong hynrei kala mih ka jingiakawang maw bad ha kane ka jingjia ar ngut la kem bad saw ngut ki briew kila mynsaw.
Na ka liang jong ka sorkar Meghalaya kala kren ia ka sorkar Assam, na ka liang jong ki pulit na ka West Khasi Hills District kila kren ki pulit jong ka District kaba dei ha kane ka jaka bad ka jingiakren kala iaid ban peit ba kum kine ki jingjia kim dei ban jia shuh nangne sha khmat.
Haba jubab ia ki jinglylli u la ong ba kum kine ki jingjia ki jia ha khappud don ka por ba ki briew jong ka Assam ki wan ban pynwit bad don ki jingjia kiba ki briew na kane ka jylla Meghalaya ki pynwit kine ki juh jia, u la ong haooid ka dei ka jingshisha ba ha u snem 2010 kala don kata ka jingiatehkular hapdeng ka jylla Assam Meghalaya ban nym ia pynit ia ki kam pynroiha khappud.
