Shillong, Jylliew 11: U myntri rangbah ka jylla mynta ka sngi u la ong ba ka sorkar ka hap ban pyrkhat biang ia ka jingtyrwa ia kren ia suk bad ka seng lehnoh GNLA. Kane ka seng kumba ka long mynta ka dang bteng ia ki kam pyntrei jong ka haduh ba kam salia ban shim ia ka jingim jong ka kynthei briew.
Na ka liang jong ka sorkar kan sa hap ban bishar biang namar kumba ka long mynta ka seng lehnoh GNLA ka dang iai bteng ia ki kam pyntriem.
Da kaba pdiang ia ka jingsngew jong ki paidbah ka sorkar jylla kala leit ban ia kren bad ka sorkar pdeng jong ka tand kam poh iing halor kane ka phang ban ia kren bad kane ka seng lehnoh, ha ka juh ka por ruh na ka liang jong ka sorkar ka iai bteng ban thwet ia ki.
Kumba ka long mynta ia ka jylla Meghalaya la pyndon kam ba kan long kum ka jaka iaid lynti da ki seng lehnoh ka jylla Assam kum ka ULFA bad kqa NDFB, bad kane ka kam lehnoh kam dei ba ka sah tang ha Garo Hills hynrei ka pur sha baroh kawei ka jylla.
Kumba ka long mynta ka dong shatei lam mih ngi jong ka Ri India ka kylla long ka ktem jong ka khaii pateng ha ki tair ialeh jong ki lehnoh bad ki Moist ruh mynta kila wan thied ia kine ki tiar na kane ka dong shatei lam mih ngi jong ka Ri India.
Ban ia leh pyrshah ia kane ka jingsuk ban ioh ia ki tiar ialeh na kane ka thain tang kawei ka sorkar kan nym lah ban leh ei ei don kam ia ka jingiatreilang jong baroh ki jylla ka dong shatei lam mih ngi jong ka Ri India bad ka dei ban don ia ka political will ban leh.
Ban ia khun pyrshah ia ki kam lehnoh don kam ka jingiashaniah mar kylliang ha pdeng ki pulit bad ki riew paidbah, ki paidbah ki dei ban iohi ba ki pulit kin long ki nongiada, bad ka tand pulit kan sa sdang ia ki buid kiba thymmai jong ka ha ka rukom trei kam.(SP News)
